.jpg)
క్రైమ్ 9మీడియా ప్రతినిధి సన్నీ చక్రవర్తి.
ఏలూరు ఆర్డీవో, ఏలూరు టౌన్ డీఎస్పీ, ఏలూరు వన్ టౌన్ సీఐ, ఏలూరు ఎమ్మార్వో ఆధ్వర్యంలో ఏలూరు వన్ టౌన్ పరిధిలోని తూర్పు వీధి, పడమర వీధి, దక్షిణ వీధి అమ్మవార్ల జాతర కమిటీ పెద్దలతో ఉన్నతాధికారులు కీలక సమీక్షా సమావేశాన్ని నిర్వహించారు.
రాబోయే జాతర ఉత్సవాలను శాంతియుతంగా, సురక్షితంగా నిర్వహించడానికి కమిటీ సభ్యులకు పలు కీలక సూచనలు, దిశానిర్దేశం చేయడం జరిగింది.
సమావేశంలో తీసుకున్న ముఖ్య నిర్ణయాలు, సూచనలు.
జాతర బౌండరీస్ (పరిధుల) నిర్ధారణ మూడు జాతర కమిటీల పెద్దలతో విడివిడిగా మాట్లాడి, ఆయా జాతరల పరిధులు మరియు ఉత్సవాల నిర్వహణ స్థలాల సరిహద్దులపై స్పష్టత ఇవ్వడం జరిగింది. దీనివల్ల సంఘర్షణలకు తావు లేకుండా ఉత్సవాలు నిర్వహించుకోవచ్చు.రూట్ మ్యాప్ (మార్గ పటం) తయారీ ఊరేగింపు సమయంలో ట్రాఫిక్కు అంతరాయం కలగకుండా, శాంతి భద్రతల పర్యవేక్షణకు అనుగుణంగా ప్రతీ వీధి జాతర ఊరేగింపు రూట్ మ్యాప్ను సిద్ధం చేసుకోవాలని కమిటీలకు సూచించడమైనది.
సీసీ కెమెరాల ఏర్పాటు ఊరేగింపు సమయంలో మరియు జాతర పరిసర ప్రాంతాలలో ఎటువంటి అవాంఛనీయ సంఘటనలు జరగకుండా నిరోధించడానికి, పర్యవేక్షణ కోసం సీసీ కెమెరాలను తప్పనిసరిగా ఏర్పాటు చేసుకోవాలని కమిటీలకు ఆదేశించారు.
అసాంఘిక కార్యకలాపాల నియంత్రణ: ఊరేగింపు సమయంలో లేదా జాతర సందర్భంగా ఎటువంటి అసాంఘిక కార్యక్రమాలు (ఉదాహరణకు అశ్లీల నృత్యాలు, అక్రమ మద్యం సేవించడం, పేకాట మొదలైనవి) నిర్వహించకూడదని, చట్టాన్ని అతిక్రమించకూడదని కమిటీలకు స్పష్టమైన సూచనలు ఇవ్వడం జరిగింది.
శాంతి భద్రతలకు ప్రాధాన్యత జాతర ఉత్సవాల సందర్భంగా శాంతి భద్రతలకు ఎటువంటి విఘాతం కలగకుండా, కమిటీ సభ్యులు స్వయంగా పోలీసు యంత్రాంగంతో సమన్వయం చేసుకుంటూ, ఉత్సవాలను విజయవంతం చేయాలని దిశానిర్దేశం చేయడం జరిగింది.
ఈ సమావేశం ద్వారా జాతర నిర్వహణలో కమిటీ సభ్యులు తీసుకోవాల్సిన జాగ్రత్తలు, అధికారుల పాత్ర, మరియు చట్టపరమైన అంశాలపై స్పష్టమైన అవగాహన కల్పించబడింది.