పాఠశాల గుర్తింపు రద్దు చేస్తున్నట్లుగా కల్పిత ఆధారాలను చూపించుకొనే పనిలో ఏలూరుజిల్లా విద్యాశాఖ అధికారులు.

 పాఠశాల గుర్తింపు రద్దు చేస్తున్నట్లుగా కల్పిత ఆధారాలను చూపించుకొనే పనిలో ఏలూరుజిల్లా విద్యాశాఖ అధికారులు.

క్రైమ్ 9మీడియా ప్రతినిధి శరత్.

 శ్రీ సాయి సూర్య పబ్లిక్/హై స్కూల్‌పై ఫిర్యాదు: టి. నరసాపురంలోని శ్రీ సాయి సూర్య పబ్లిక్/హై స్కూల్‌కు నిబంధనలకు విరుద్ధంగా అనుమతులు మంజూరు చేయడంలో విద్యాశాఖ అధికారులు అవకతవకలకు పాల్పడినట్లు ఓ వ్యక్తి పీజీఆర్‌ఎస్‌ (PGRS) లో ఫిర్యాదు చేశారు. అయినప్పటికీ, ఎంఈవో టి. రామ్మూర్తి, డీఈవో యం. వెంకట లక్ష్మమ్మ ఈ పాఠశాలకు అన్ని అనుమతులు సక్రమంగా ఉన్నాయని పేర్కొంటూ ఆ ఫిర్యాదును మూసివేశారు.

ఈ చర్యతో అసంతృప్తి చెందిన ఆ వ్యక్తి , డీఈవో వెంకట లక్ష్మమ్మపై ఆంధ్రప్రదేశ్ రాష్ట్ర లోకాయుక్తలో ఫిర్యాదు చేయగా ఆమెపై కేసు నమోదైంది.

డీఈవో ఆకస్మిక తనిఖీ/హెచ్చరిక: లోకాయుక్తలో కేసు నమోదైన కొద్ది రోజుల తర్వాత, డీఈవో వెంకట లక్ష్మమ్మ అకస్మిక తనిఖీ పేరుతో ఆ పాఠశాలను సందర్శించారు. ఆమె పాఠశాల యాజమాన్యాన్ని వసతులు సరిచేసుకోవాలని, లేదంటే స్కూల్ గుర్తింపు రద్దు చేస్తానని హెచ్చరించినట్లు సమాచారం. ఈ విషయాన్ని ఎంఈవో టి. రామ్మూర్తి ఒక ప్రెస్ నోట్ ద్వారా మీడియాకు తెలియజేశారు.

మొదట అరకొర వసతులతో అనుమతి ఇవ్వడం, ఫిర్యాదును మూసివేయడం, ఆ తర్వాత లోకాయుక్త కేసు నమోదు కాగానే హఠాత్తుగా గుర్తింపు రద్దు చేస్తానని హెచ్చరించడం వంటి విరుద్ధమైన చర్యలు అనేక అనుమానాలకు తావిచ్చినట్లుందని పలువురు ప్రశ్నిస్తున్నారు.

 ఈ చర్యల వెనుక ముఖ్య ఉద్దేశ్యం, లోకాయుక్త కేసులో తమపై ఉన్న ఆరోపణల నుండి తప్పించుకోవడానికి , తమ పాత చర్యలను సమర్థించుకోవడానికి (Recognizance of Past Actions) పాఠశాల గుర్తింపు రద్దు చేస్తున్నట్లు కల్పిత ఆధారాలను (Show of Action) చూపించుకొనే పనిలో విద్యాశాఖ అధికారులు ఉన్నట్లు పలువురు భావిస్తున్నారు.