చోడవరం పోలీస్ స్టేషన్ వార్షిక తనిఖీ – జిల్లా ఎస్పీ తుహిన్ సిన్హా.
క్రైమ్ 9మీడియా ప్రతినిధి. జిల్లా ఇంచార్జి రిపోర్టర్ (క్రైమ్).
పి. మహేశ్వరరావు. అనకాపల్లి (చోడవరం)నవంబర్ 28:అనకాపల్లి జిల్లా ఎస్పీ తుహిన్ సిన్హా, శుక్రవారం చోడవరం పోలీస్ స్టేషన్ను సందర్శించి వార్షిక తనిఖీ నిర్వహించారు. స్టేషన్ కార్యకలాపాలు, పెండింగ్ కేసులు, రికార్డులు, వసతులు, సిబ్బంది పనితీరును సమగ్రంగా పరిశీలించారు.
ఎస్పీ ఈ సందర్బంగా పలు కీలక సూచనలు, ఆదేశాలు జారీ చేశారు:
స్టేషన్ నిర్వహణ & పెండింగ్ కేసులు.
స్టేషన్ పరిసరాలను శుభ్రంగా, సక్రమంగా ఉంచాలని సూచించారు.
పెండింగ్ కేసుల సీడీ ఫైళ్ళను పరిశీలించి, వాటి వేగవంతమైన పురోగతిపై అధికారులకు నిర్దిష్ట ఆదేశాలు ఇచ్చారు.
CCTNS వ్యవస్థలో ప్రతి కేసును FIR నుంచి కోర్టు డిస్పోజల్ వరకు పూర్తి వివరాలతో అప్డేట్ చేయాలని ఆదేశించారు.
సైబర్ నేరాలు – ప్రజా అవగాహన.
సైబర్ క్రైమ్ కేసులు పెరుగుతున్న నేపథ్యంలో ప్రజలకు విస్తృత అవగాహన కార్యక్రమాలు నిర్వహించాలని ఆదేశించారు.
ఫిషింగ్, సోషల్ మీడియా మోసాలు, ఆన్లైన్ ఫ్రాడ్లపై గ్రామ–పట్టణాల్లో ప్రత్యేక ప్రచార కార్యక్రమాలు నిర్వహించాలని సూచించారు.
నేరాల నియంత్రణ & సీసీటీవీ ప్రాముఖ్యత.
నేరాల నియంత్రణలో CCTV కెమెరాలకు కీలక పాత్ర ఉందని పేర్కొన్నారు. గ్రామాలు, బస్తీలు, ముఖ్యజంక్షన్లలో CCTV వ్యవస్థను విస్తరించేందుకు చర్యలు తీసుకోవాలని ఆదేశించారు.
గ్రామాల్లో అసాంఘిక కార్యకలాపాలను అరికట్టేందుకు పటిష్ట చర్యలు తీసుకోవాలని సూచించారు. గంజాయి అక్రమ రవాణా నిరోధం, అక్రమ మాదకద్రవ్యాల రవాణాకు సంబంధించి ఆకస్మిక తనిఖీలు, రైడ్లు నిర్వహించాలని ఆదేశించారు.
రోడ్డు ప్రమాదాల నివారణ ద్విచక్ర వాహనదారులు తప్పనిసరిగా హెల్మెట్ ధరించేలా కఠిన చర్యలు తీసుకోవాలని సూచించారు.
ట్రాఫిక్ నియమాల ఉల్లంఘనపై దృఢమైన ఎన్ఫోర్స్మెంట్ చేయాలని తెలిపారు.
ప్రజల్లో ట్రాఫిక్ భద్రతపై అవగాహన కార్యక్రమాలు పెంపొందించాలని అన్నారు.
నదులు–సముద్రతీరాల్లో జాగ్రత్తలు.
ఎస్పీ ఇటీవల యువతలో పెరుగుతున్న ప్రమాదకర ధోరణికి గమనించి హెచ్చరికలు జారీ చేశారు: నదులు, జలాశయాలు, సముద్రతీర ప్రాంతాల్లో స్నానం, సెల్ఫీలు తీసుకోవడం ప్రమాదకరమని చెప్పారు. నీట మునిగే ప్రమాదాలు అధికంగా చోటుచేసుకుంటున్నందున ప్రజలు అత్యంత అప్రమత్తంగా ఉండాలని సూచించారు.
మహిళా–బాలల భద్రత గ్రామ మహిళా సంరక్షణ కార్యదర్శులు (GMSKs) ద్వారా మహిళా చట్టాలు, పోక్సో, ర్యాగింగ్ నిరోధక చట్టం, ఈవ్ టీజింగ్ చట్టం వంటి అంశాలపై విద్యార్థులకు అవగాహన కల్పించాలని ఆదేశించారు.
ప్రతి మహిళా, విద్యార్థినిలు శక్తి యాప్ను డౌన్లోడ్ చేయాలనే ప్రచారాన్ని మరింత బలోపేతం చేయాలని సూచించారు.
డిసెంబర్ 13 – జాతీయ లోక్ అదాలత్ పెండింగ్ కేసులు ఎక్కువ సంఖ్యలో రాజీ అయ్యేలా ముందస్తు చర్యలు తీసుకోవాలని సూచించారు.
ఎస్పీ స్టేషన్ సిబ్బందితో సమావేశమై వారి సమస్యలను అడిగి తెలుసుకున్నారు.సమస్యాత్మక ప్రాంతాలను తరచూ పర్యటిస్తూ చట్టవ్యతిరేక కార్యకలాపాలపై నిఘా పెంచాలని సూచించారు.
ఈ కార్యక్రమంలో అనకాపల్లి సబ్ డివిజన్ ఇంచార్జి డిఎస్పీ ఇ.శ్రీనివాసులు, చోడవరం ఇన్స్పెక్టర్ పి.అప్పలరాజు,ఎస్సైలు నాగ కార్తీక్, జోగారావు, ట్రైనీ ఎస్సై కమల భార్గవ్, స్టేషన్ సిబ్బంది పాల్గొన్నారు.