.jpeg)
కెఎల్ యులో మరో సాప్ట్ వేర్ కంపెనీ ప్రారంభం.
జునిపర్ ఎఐ-డ్రివెన్ క్యాంపస్ - సెంటర్ ఆఫ్ ఎక్సలెన్స్ ను ప్రారంభించిన జునిపర్ అకాడమీ గ్లోబల్ హెడ్ అర్చన యాదవ్.
కెఎల్ డీమ్డ్ యూనివర్శిటీలో నెట్వర్కింగ్, ఆర్టిఫిషియల్ ఇంటెలిజెన్స్, సైబర్ సెక్యూరిటీ వంటి రాబోయే తరానికి చెందిన సాంకేతికతలలో నైపుణ్య అభివృద్ధిని ముందుకు తీసుకెళ్లే దిశగా ఒక ముఖ్యమైన అడుగును సూచిస్తుందని జునిపర్ అకాడమీ గ్లోబల్ హెడ్ అర్చన యాదవ్ మంగళవారం నాడు తెలిపారు. కెఎల్ డీమ్డ్ యూనివర్సిటీలో జునిపర్ ఎఐ-డ్రివెన్ క్యాంపస్ సెంటర్ ఆఫ్ ఎక్సలెన్స్ ను మంగళవారం నాడు లాంచనంగా ప్రారంభించారు. ప్రారంభోత్సవానికి అర్చన యాదవ్ ముఖ్య అతిథిగా హాజరయ్యారు. ఎడ్యుస్కిల్స్ సిఇఒ శుభజీత్ జగదేవ్ ఈ కార్యక్రమానికి గౌరవ అతిథిగా హాజరయ్యారు. కెఎల్ వర్శిటీ ప్రో వైస్ ఛాన్సలర్ డాక్టర్ కె. రాజశేఖరరావు ఈ కార్యక్రమానికి అధ్యక్షత వహించి, సభను ఉద్దేశించి ప్రసంగించారు. ఈ కార్యక్రమం విశ్వవిద్యాలయ నైపుణ్య అభివృద్ధి విభాగం ఆధ్వర్యంలో నిర్వహించబడింది. ఈ సందర్భంగా అర్చన యాదవ్ మాట్లాడుతూ, డిజిటల్ భవిష్యత్తును రూపొందించడంలో ఎఐ ఆధారిత నెట్వర్కింగ్ యొక్క ప్రాముఖ్యతను హైలైట్ చేశారు. భవిష్యత్తుకు సిద్ధంగా ఉన్న ప్రతిభను పెంపొందించడంలో విద్యా-పరిశ్రమ భాగస్వామ్యాల కీలక పాత్రను శుభజీత్ జగదేవ్ నొక్కిచెప్పారు. ప్రో వైస్ చాన్సులర్ డాక్టర్ రాజశేఖరరావు మాట్లాడుతూ ఇది పరిశ్రమ ఆధారిత జ్ఞానం, ప్రపంచ-ప్రామాణిక శిక్షణా కార్యక్రమాలతో విద్యార్థులు, అధ్యాపకులను సాధికారపరచడంలో కెఎల్ విశ్వవిద్యాలయం యొక్క నిరంతర నిబద్ధతను ప్రతిబింబిస్తుందన్నారు. ఈ కార్యక్రమంలో భాగంగా, ఒక ఫ్యాకల్టీ డెవలప్మెంట్ ప్రోగ్రామ్ కూడా నిర్వహించారు. అందులో 60 మందికి పైగా ఫ్యాకల్టీ సభ్యులు నెట్వర్కింగ్, ఎఐ , సైబర్ సెక్యూరిటీలో ఇంటెన్సివ్ శిక్షణ పొందుతున్నారని పేర్కొన్నారు. అధ్యాపకులు విద్యార్థులకు అత్యాధునిక జ్ఞానాన్ని బదిలీ చేయడమే ఈ డెవలప్మెంట్ ప్రోగ్రామ్ లక్ష్యమని తెలిపారు. తద్వారా వారిని డిజిటల్ టెక్నాలజీలలో పరిశ్రమకు సిద్ధంగా ఉన్న కెరీర్లకు సిద్ధం చేయడంతో పాటు కెఎల్ విశ్వవిద్యాలయం యొక్క పరిశ్రమ సహకారాలు, అధునాతన సాంకేతికతలు, విద్యా నైపుణ్యాన్ని ఏకీకృతం చేయడంలో మార్గదర్శకత్వంలో తన స్థానాన్ని కెఎల్ వర్శిటీ పునరుద్ఘాటించినట్లయిందని ఆయన తెలిపారు. ప్రపంచవ్యాప్తంగా సమర్థవంతమైన శ్రామిక శక్తిని సృష్టించాలనే వర్శిటీ దూర దృష్టిని మరింతగా పెంచుకుందన్నారు. స్కిల్ డెవలప్మెంట్ డీన్ డాక్టర్ ఎ. శ్రీనాథ్ వివరించారు. అభివృద్ధి చెందుతున్న టెక్నాలజీలలో నైపుణ్యం, పరిశోధనలో ముందంజలో ఉండాలనే కెఎల్ విశ్వవిద్యాలయం యొక్క లక్ష్యాన్ని వివరించారు. ఈ కార్యక్రమంలో వర్శిటీ వైస్ చాన్సులర్ డాక్టర్ జిపిఎస్.వర్మ, ప్రో వైస్ చాన్సులర్లు డాక్టర్ ఎవిఎస్ ప్రసాద్, డాక్టర్ ఎన్.వెంకట్ రామ్, డాక్టర్ కె.రాజశేఖరరావు, రిజిస్ట్రార్ డాక్టర్ కె. సుబ్బారావు తదితరులు హాజరయ్యారు.