మిస్సింగ్ కేసుల్లో అనకాపల్లి టౌన్ పోలీసుల మెరుపు స్పందన – ఇద్దరు మహిళల సురక్షిత గుర్తింపు.
క్రైమ్9మీడియా ప్రతినిధి జోనల్ ఇంచార్జి పి మహేశ్వరావు.
అనకాపల్లి ఆగష్టు :01
జిల్లా ఎస్పీ తుహిన్ సిన్హా, ఆదేశాల మేరకు, మహిళల భద్రతకు అత్యంత ప్రాధాన్యత ఇస్తూ అనకాపల్లి టౌన్ పోలీసులు ప్రత్యేక బృందాలతో సమర్థవంతంగా పనిచేసి, వేర్వేరు మిస్సింగ్ కేసుల్లో ఇద్దరు వివాహితలను సురక్షితంగా వెలికితీశారు.
టౌన్ సీఐ (స్టేషన్ హౌస్ ఆఫీసర్) జి.ప్రేమ కుమార్ ఆధ్వర్యంలో పోలీసు బృందం ఈ ఆపరేషన్లను దిగ్విజయంగా పూర్తి చేసింది.
బెంగళూరులో గుర్తించిన మొదటి కేసు గత జూన్ 23న బీఆర్టీఎస్ (బి.ఆర్టి.ఎస్ ) కాలనీకి చెందిన ఓ వివాహిత కనిపించడం లేదని అనకాపల్లి టౌన్ పోలీస్ స్టేషన్లో ఫిర్యాదు నమోదైంది.
ఫిర్యాదు అందడమే తడవుగా రంగంలోకి దిగిన పోలీసులు, ఆధునిక సాంకేతిక పరిజ్ఞానంతో బాధితురాలు బెంగళూరులో ఉన్నట్లు గుర్తించారు. వెంటనే ప్రత్యేక బృందాన్ని బెంగళూరు పంపి, ఆమెను సురక్షితంగా అనకాపల్లికి తీసుకువచ్చారు.
అనంతరం ఆమె తన కుటుంబ సభ్యులతో వెళ్లేందుకు నిరాకరించడంతో, ఆమె రక్షణ మరియు హక్కులను గౌరవిస్తూ చట్టపరమైన నిబంధనల ప్రకారం అనకాపల్లిలోని వన్ స్టాప్ సెంటర్ (వన్ స్టాప్ సెంటర్) కు సురక్షితంగా అప్పగించారు.
హైదరాబాద్లో ముగిసిన రెండో ఆపరేషన్: సంఘటన జులై 23న ముత్రాసి కాలనీకి చెందిన మరో వివాహిత కనిపించడం లేదని స్టేషన్లో ఫిర్యాదు అందింది.
పోలీసుల చర్య కేవలం రోజుల వ్యవధిలోనే దర్యాప్తును వేగవంతం చేసి, సదరు మహిళ హైదరాబాద్లో ఉన్నట్లు ఆధారాలు సేకరించారు. ప్రత్యేక పోలీసు బృందం తక్షణమే హైదరాబాద్ వెళ్లి ఆమెను రక్షించి, అనకాపల్లికి తీసుకువచ్చారు.
చట్టపరమైన రక్షణ సీఐ జి.ప్రేమ కుమార్ సమక్షంలో కౌన్సెలింగ్ నిర్వహించిన అనంతరం, ఆమె కూడా తన కుటుంబ సభ్యులతో వెళ్లేందుకు నిరాకరించడంతో చట్టపరమైన నిబంధనల ప్రకారం ఆమెను కూడా వన్ స్టాప్ సెంటర్ (వన్ స్టాప్ సెంటర్) కు సురక్షితంగా అప్పగించారు.
బాధితుల కుటుంబాల ఆవేదనను అర్థం చేసుకుని, సమయానుకూలంగా స్పందించి రెండు కేసులను చాకచక్యంగా ఛేదించిన అనకాపల్లి టౌన్ సీఐ జి.ప్రేమ కుమార్ మరియు వారి ప్రత్యేక పోలీసు బృందాన్ని జిల్లా ఎస్పీ తుహిన్ సిన్హా, ప్రత్యేకంగా అభినందించారు.
"ప్రజల, ముఖ్యంగా మహిళల రక్షణే జిల్లా పోలీసుల ప్రథమ కర్తవ్యం. బాధితులకు తక్షణ న్యాయం, రక్షణ కల్పించడంలో అనకాపల్లి పోలీసులు ఎల్లప్పుడూ ముందుంటరని తెలిపారు