అనకాపల్లి జిల్లాలో పేకాట, కోడిపందాల స్థావరాలపై పోలీసుల దాడులు – 11 మంది అరెస్ట్, నగదు స్వాధీనం.
అనకాపల్లి, జనవరి 18: జిల్లా పోలీసులు జిల్లావ్యాప్తంగా అసాంఘిక కార్యకలాపాలపై పటిష్ట చర్యల్లో భాగంగా వివిధ పోలీస్ స్టేషన్ల పరిధిలో నిర్వహించిన దాడుల వివరాలు ఈ క్రింది విధంగా ఉన్నాయి.
*1. అనకాపల్లి రూరల్:* పేకాట రాయుళ్ల అరెస్ట్
అనకాపల్లి రూరల్ ఎస్.ఐ. జి.రవికుమార్ తన సిబ్బందితో కలిసి గోపాలపురం గ్రామంలో జూదం (పేకాట) ఆడుతున్న స్థావరంపై మెరుపు దాడి నిర్వహించారు.
అరెస్టులు: 7 గురు వ్యక్తులు.
స్వాధీనం: రూ.7,150/- నగదు మరియు పేక ముక్కలు.
*2. పరవాడ:* కోడిపందాల స్థావరంపై దాడి
పరవాడ ఎస్.ఐ. మహాలక్ష్మి మరియు సిబ్బందితో రావాడ గ్రామ శివారు ప్రాంతంలో జరుగుతున్న కోడిపందాలపై దాడి చేశారు.
అరెస్టులు: ఇద్దరు వ్యక్తులు.
స్వాధీనం: రూ.1,150/- నగదు మరియు 2 పందెం కోళ్లు.
*3. రాంబిల్లి:* పందెం కోళ్లతో సహా ఇద్దరు అదుపులోకి
రాంబిల్లి ఎస్.ఐ. నాగేంద్ర మరియు వారి సిబ్బంది కే.జీ.పాలెం గ్రామంలో నిర్వహించిన కోడిపందాల స్థావరంపై దాడి చేశారు.
అరెస్టులు: ఇద్దరు వ్యక్తులు.
స్వాధీనం: రూ.1,150/- నగదు మరియు 2 పందెం కోళ్లు.
జిల్లాలో జూదం, కోడిపందాలు వంటి అసాంఘిక కార్యకలాపాలకు పాల్పడితే కఠిన చర్యలు తీసుకుంటామని పోలీసులు హెచ్చరించారు. గ్రామాల్లో ఎక్కడైనా ఇలాంటి పనులు జరుగుతుంటే వెంటనే పోలీసులకు సమాచారం అందించాలని కోరారు.