బైలపూడిలో ఘనంగా 'అంతర్జాతీయ మత్తు పదార్థాల వ్యతిరేక దినోత్సవం'.. హాజరైన జిల్లా జడ్జి, సబ్ జడ్జి.

 బైలపూడిలో ఘనంగా 'అంతర్జాతీయ మత్తు పదార్థాల వ్యతిరేక దినోత్సవం'.. హాజరైన జిల్లా జడ్జి, సబ్ జడ్జి.

జిల్లా ​ఎస్పీ తుహిన్ సిన్హా ఆదేశాలతో విస్తృతంగా అవగాహన కార్యక్రమాలు.

మాదకద్రవ్యాల రహిత సమాజం కోసం ప్రతి ఒక్కరూ నడుం బిగించాలి:.

న్యాయమూర్తులు

​మానవహారంగా ఏర్పడి, నషా ముక్త్ భారత్' ప్రతిజ్ఞ చేసిన పోలీసులు,గ్రామస్తులు.

క్రైమ్9మీడియా ప్రతినిధి జోనల్ ఇంచార్జి పి మహేశ్వరావు.

అనకాపల్లి చీడికాడ,జూన్ :26

అనకాపల్లి జిల్లా ఎస్పీ తుహిన్ సిన్హా ఆదేశాల మేరకు, 'నషా ముక్త్ భారత్ అభియాన్' (మత్తు పదార్థాల రహిత భారత్) కార్యక్రమంలో భాగంగా చీడికాడ మండలం బైలపూడి గ్రామంలో శుక్రవారం 'అంతర్జాతీయ మత్తు పదార్థాల దుర్వినియోగం మరియు అక్రమ రవాణా వ్యతిరేక దినోత్సవాన్ని' పురస్కరించుకుని భారీ అవగాహన సదస్సు నిర్వహించారు. కె.కోటపాడు సీఐ కృష్ణ మరియు చీడికాడ ఎస్సై డి.లక్ష్మీనారాయణ ఆధ్వర్యంలో జరిగిన ఈ కార్యక్రమానికి ముఖ్య అతిథులుగా గౌరవనీయులైన తొమ్మిదవ అదనపు జిల్లా న్యాయమూర్తి హరినారాయణ, సబ్ జడ్జి గౌరీ శంకర్ రావు హాజరయ్యారు.

ఈ సందర్భంగా గౌరవ న్యాయమూర్తులు మాట్లాడుతూ. మత్తు పదార్థాల వల్ల యువత జీవితాలు నాశనమవుతున్నాయని, సమాజానికి ఇది ఒక పెద్ద శాపంగా మారిందని ఆవేదన వ్యక్తం చేశారు. గంజాయి, డ్రగ్స్ వంటి వ్యసనాలకు దూరంగా ఉండి, బంగారు భవిష్యత్తును నిర్మించుకోవాలని పిలుపునిచ్చారు. మత్తు పదార్థాల అక్రమ రవాణాకు మరియు వినియోగానికి వ్యతిరేకంగా చట్టాలు చాలా కఠినంగా ఉన్నాయని హెచ్చరించారు.

​అదనపు పబ్లిక్ ప్రాసిక్యూటర్ సిహెచ్. సూర్యనారాయణ మాట్లాడుతూ.. గ్రామీణ ప్రాంతాల్లో సైతం మత్తు పదార్థాల నిర్మూలనకు పోలీసులు, న్యాయవ్యవస్థ తీసుకుంటున్న చర్యలకు ప్రజల సహకారం ఎంతో అవసరమని పేర్కొన్నారు. కె.కోటపాడు సర్కిల్ ఇన్స్పెక్టర్ కృష్ణ, చోడవరం సీఐ అప్పలరాజు మరియు చీడికాడ ఎస్సై లక్ష్మీనారాయణలు మాట్లాడుతూ.. మండల పరిధిలో గంజాయి లేదా ఇతర మత్తు పదార్థాల రవాణా, విక్రయాలపై కఠినంగా వ్యవహరిస్తామని, ఎక్కడైనా ఇలాంటి అసాంఘిక కార్యక్రమాలు జరుగుతుంటే తక్షణమే పోలీసులకు సమాచారం అందించాలని కోరారు.

*రహదారిపై మానవహారం - డ్రగ్స్ వ్యతిరేక ప్రతిజ్ఞ:* 

ఈ అవగాహన సదస్సులో బైలపూడి గ్రామస్తులు, మహిళలు, యువత సుమారు 200 మందికి పైగా ఉత్సాహంగా పాల్గొన్నారు. సదస్సు అనంతరం అతిథులు, పోలీసు సిబ్బంది మరియు గ్రామస్తులు అందరూ కలిసి మాదకద్రవ్యాలకు వ్యతిరేకంగా 'నషా ముక్త్ భారత్' ప్రతిజ్ఞ చేశారు. ఆ తర్వాత గ్రామంలో ముఖ్య కూడలిలో భారీ మానవహారంగా ఏర్పడి, "మత్తు పదార్థాలను నిర్మూలిద్దాం - నవసమాజాన్ని నిర్మిద్దాం", "సే నో టు డ్రగ్స్" అంటూ పెద్ద పెట్టున నినాదాలు చేస్తూ ర్యాలీ నిర్వహించారు.

​ఈ కార్యక్రమంలో స్థానిక ప్రజాప్రతినిధులు, గ్రామ పెద్దలు, పోలీస్ సిబ్బంది మరియు పెద్ద సంఖ్యలో గ్రామస్తులు పాల్గొన్నారు.