పలాసలో ఇంటింటికీ పెంక్షన్ల పంపిణీ.
లబ్ధిదారులతో ముచ్చటించిన కేంద్రమంత్రి రామ్మోహన్ నాయుడు, ఎమ్మెల్యే శిరీష.
క్రైమ్ 9మీడియా ప్రతినిధి శ్రీకాకుళం జిల్లా స్టాఫ్ రిపోర్టర్ శంకర్ తమ్మినేని.
శ్రీకాకుళం జిల్లా పలాస మండలంలోని రామకృష్ణ పురం గ్రామంలో పెంక్షన్ల పంపిణీ కార్యక్రమం పండుగలా సాగింది.
ఈ కార్యక్రమంలో కేంద్ర విమానయాన శాఖ మంత్రి కింజరాపు రామ్మోహన్ నాయుడు, పలాస శాసనసభ్యురాలు గౌతు శిరీష నేరుగా పాల్గొని లబ్ధిదారులకు పెంక్షన్ల సొమ్మును అందజేశారు.
నేరుగా ఇంటివద్దకే: కూటమి ప్రభుత్వం ఇచ్చిన హామీ మేరకు, లబ్ధిదారుల ముంగిటకే వెళ్లి కేంద్రమంత్రి మరియు ఎమ్మెల్యే స్వయంగా పింఛన్లను పంపిణీ చేశారు.
పెంక్షన్ల అందజేస్తున్న సమయంలో వారు ప్రతి ఇంటికి వెళ్లి వృద్ధులు, వికలాంగులు మరియు వితంతువుల యోగక్షేమాలను అడిగి తెలుసుకున్నారు.
ప్రభుత్వ పథకాలు అందుతున్న తీరుపై ఆరా తీశారు.
కేంద్రమంత్రి తమ వీధిలోకి వచ్చి, తమ కష్టసుఖాలు విచారించడంతో రామకృష్ణ పురం గ్రామస్తులు సంతోషం వ్యక్తం చేశారు.
"ప్రజల కష్టాలను నేరుగా తెలుసుకుని, వారికి సేవ చేయడమే ఈ ప్రభుత్వ లక్ష్యం. అర్హులైన ప్రతి ఒక్కరికీ సంక్షేమ ఫలాలు అందేలా చూస్తాం."
— కింజరాపు రామ్మోహన్ నాయుడు, కేంద్రమంత్రి
ఈ సందర్భంగా ఎమ్మెల్యే గౌతు శిరీష మాట్లాడుతూ.. పలాస నియోజకవర్గ అభివృద్ధికి తాము కట్టుబడి ఉన్నామని, రాబోయే రోజుల్లో మరిన్ని సంక్షేమ కార్యక్రమాలను ప్రజలకు చేరువ చేస్తామని పేర్కొన్నారు.
ఈ కార్యక్రమంలో స్థానిక నాయకులు, అధికారులు మరియు పెద్ద సంఖ్యలో ప్రజలు పాల్గొన్నారు.
Add
