ప్రకాశం మరియు మార్కాపురం జిల్లాల్లో అడుగడుగునా ‘నైట్ బీట్’ పహారా.
చీకటి మాటున నేరాలకు తావులేకుండా పోలీసుల నిరంతర నిఘా.
ఉమ్మడి ప్రకాశం జిల్లా క్రైమ్ 9మీడియా ప్రతినిధి దాసరి యోబు.
ప్రకాశం మరియు మార్కాపురం జిల్లాల్లో ప్రజల ప్రాణ, ఆస్తి రక్షణే ప్రధమ కర్తవ్యంగా జిల్లా పోలీస్ యంత్రాంగం రాత్రివేళల్లో భద్రతా వలయాన్ని అత్యంత కట్టుదిట్టం చేసింది. జిల్లా ఎస్పీ ఆదేశాల మేరకు, ఆయా జిల్లాల పరిధిలోని ప్రధాన పట్టణాలు, మారుమూల గ్రామాలు మరియు కీలకమైన జాతీయ రహదారులపై పోలీసులు ముమ్మరంగా ‘నైట్ బీట్’ నిర్వహిస్తున్నారు.
అర్ధరాత్రి వేళల్లో అకారణంగా రోడ్లపై తిరిగే వ్యక్తులను, అనుమానాస్పద కదలికలు ఉన్నవారిని క్షుణ్ణంగా తనిఖీ చేయడమే కాకుండా, అత్యాధునిక సాంకేతిక పరిజ్ఞానంతో వారి వేలిముద్రలను ఎప్పటికప్పుడు క్రైమ్ డేటాబేస్తో సరిపోల్చుతున్నారు
ముఖ్యంగా తాళం వేసి ఉన్న ఇళ్లు, బ్యాంకులు, ఏటీఎం కేంద్రాలు మరియు పెద్ద ఎత్తున నగదు లావాదేవీలు జరిగే వ్యాపార సముదాయాల వద్ద పోలీసులు 'విజిబుల్ పోలీసింగ్' లో భాగంగా నిరంతరం గస్తీ కాస్తున్నారు. దొంగతనాలకు ఆస్కారం లేకుండా బ్లూ కోల్ట్స్ మరియు పెట్రోల్ కార్ల ద్వారా సైరన్లతో పహారా కాస్తూ ప్రజలకు భరోసా కల్పిస్తున్నారు.
మీరు ప్రశాంతంగా నిద్రపోండి - మేము మీ కోసం మేల్కొని ఉంటాం" అనే నినాదంతో పోలీసులు అలుపెరగని పోరాటం చేస్తున్నారు. ప్రజలు కూడా తమ పరిసరాల్లో ఏదైనా అనుమానాస్పద కదలికలు గమనిస్తే వెంటనే డయల్ 100 లేదా 112 కు సమాచారం అందించి, నేర రహిత సమాజం కోసం పోలీసులకు సహకరించాలని అధికారులు విజ్ఞప్తి చేశారు.
పోలీస్ శాఖ యొక్క ఈ నిరంతర పహారా పట్ల జిల్లా లో సర్వత్రా హర్షం వ్యక్తమవుతోంది.