బాలల సంరక్షణలో పోలీసు శాఖ ఎల్లవేళలా ముందుంటుంది: ప్రకాశం జిల్లా ఎస్పీ వి. హర్షవర్ధన్ రాజు.
ప్రకాశం జిల్లా క్రైమ్ 9 మీడియా ప్రతినిధి దాసరి యోబు
జిల్లాస్థాయి ఓరియంటేషన్.కార్యక్రమం లో పిల్లల రక్షణ కోసం రూపొందించిన చట్టాలపై పోలీస్ అధికారులు మెరుగైన అవగాహన పెంచుకోవాలి. ఎస్ పి.
బాల్య న్యాయ చట్టం–2025, పోక్సో చట్టం, పిల్లలకు సంబంధించిన ఇతర చట్టాలపై అవగాహన పెంపొందించేందుకు, పిల్లలతో వ్యవహరించే బాలల సంక్షేమ పోలీస్ అధికారులు, మహిళా సహాయక కేంద్రం సిబ్బంది, శక్తి టీమ్స్, జిల్లా ఏ హెచ్ టి యు.బృందం కోసం జిల్లా పోలీస్ కళ్యాణ మండపంలో జిల్లా స్థాయి ఓరియెంటేషన్ కార్యక్రమం నిర్వహించారు.
ఈ కార్యక్రమంలో ప్రకాశం జిల్లా ఎస్పీ వి. హర్షవర్ధన్ రాజు, ఐపీఎస్ ముఖ్య అతిథిగా హాజరైన్నారు.
ఈ సందర్భంగా జిల్లా ఎస్పీ గారు మాట్లాడుతూ, పోక్సో చట్టం, జువెనైల్ జస్టిస్ యాక్ట్–2015, బాల్య వివాహాల నిర్మూలన, బాలల సంరక్షణ వంటి కీలక చట్టాలపై పోలీస్ సిబ్బంది మరింత అవగాహన పెంపొందించుకోవాలని సూచించారు. విధి నిర్వహణలో ఈ చట్టాల ప్రకారం పాటించాల్సిన నియమాలను తెలుసుకోవడం, ప్రజల్లో విస్తృతంగా అవగాహన కార్యక్రమాలు చేపట్టడం ద్వారా నేరాలను గణనీయంగా తగ్గించవచ్చని తెలిపారు. బాధిత బాలబాలికలకు న్యాయం చేయడంలో చట్టప్రకారం తక్షణ చర్యలు తీసుకోవాలని కూడా ఆదేశించారు.
జిల్లా వ్యాప్తంగా శక్తి బృందాలు బస్టాండులు, ఆర్టీసీ కాంప్లెక్సులు, రైల్వే స్టేషన్లు, ముఖ్య కూడళ్ళు, కళాశాలల వద్ద పర్యటిస్తూ ఏ సమస్య వచ్చిన వెంటనే పరిష్కరించే విధంగా పని చేయాలని ఎస్పీ సూచించారు. మహిళలు, విద్యార్థినుల భద్రత కోసం శక్తి యాప్ యొక్క ప్రాముఖ్యత, అందించే సేవల గురించి విస్తృత అవగాహన కల్పించాలని చెప్పారు. ఎస్ఓఎస్ బటన్, డయల్ 112 ద్వారా ఫిర్యాదు అందిన వెంటనే సంబంధిత పోలీసులు చురుకుగా స్పందించి సమస్యను పరిష్కరించాలన్నారు. రెస్పాన్స్ సమయం అత్యంత కీలకమన్నారు. బాధితులకు అండగా నిలిచి, సమాజం గుర్తుంచుకునే విధంగా విధులు నిర్వర్తించాలని పోలీస్ సిబ్బందికి జిల్లా ఎస్పీ సూచించారు.
ఈ కార్యక్రమంలో వుమన్ చైల్డ్ డిపార్ట్మెంట్ పిడి. యస్.సువర్ణ, DCPO పి.ఇవాజింలెన్, పి.దినేష్, మహిళా పోలీస్ స్టేషన్ డిఎస్పీ వి.వి. రమణ కుమార్, ఇన్స్పెక్టర్ యు.సుధాకర్, డిసిఆర్బీ ఇన్స్పెక్టర్ దేవప్రభాకర్, ఆర్ఐ సీతారామిరెడ్డి, ఎస్సైలు మరియు మహిళ ఎస్సైలు పోలీస్ సిబ్బంది పాల్గొన్నారు.